Stubbamót SSS fór fram sunnudaginn 24. febrúar 2019. Um 80 keppendur víðsvegar af landinu tóku þátt í mótinu sem komu. Góð stemmning var á meðal þátttakenda og virtust allir skemmta sér vel.

Allir keppendur fengu svo grillaða pylsu og Svala að lokinni verðlaunaafhendingu. Allir keppendur fengu verðlaunapening.

Skíðafélag Siglufjarðar Skíðaborg þakkar keppendum, foreldrum, umsjónarmönnum og Agli í Skarðinu fyrir ljómandi skemmtilegan dag.

Skíðafélag Siglufjarðar Skíðaborg (SSS) heldur Stubbamót sunnudagurinn 24.febrúar laugardaginn 23.febrúar 2019. Mótið fer fram á Skíðasvæði Siglufjarðar, Skarðsdal.

Um er að ræða dagsmót fyrir börn fædd 2009 og yngri og keppt verður í Stubbabraut (2 umferðir) á neðsta svæðinu.
Brautarskoðun er kl 10:30 hjá 7 ára og yngri (börn fædd 2011 og yngri).
Brautarskoðun er kl 13:00 12:00 hjá 8-9 ára (börn fædd 2009-2010).

Mótsgjaldið er 2.000.- og innifalið er lyftugjald, verðlaunapeningur, drykkur og veitingar í mótslok.

Skráning á netfangið oskarthor77@gmail.com eða í síma 699-8817 (Anna María), þar sem fullt nafn keppanda og fæðingarár kemur fram. Skráning þarf að berast í síðasta lagi miðvikudaginn 20.febrúar.
Mótsgjaldið er lagt inn á reikning Skíðafélagsins: kt 590269-0779 og banki 0348-26-2431 (nafn barns eða félags í skýringu).

Með skíðakveðju, Skíðafélag Siglufjarðar Skíðaborg

Iðkendur SSS eru nú við æfingar í Neukirchen í Asturríki. Aðstæður þar eru mjög góðar og fara krakkarnir á skíði að jafnaði tvisvar á dag.

Farið var út þann 16. janúar 2019 og verður hópurinn á svæðinu í 6 daga annars vegar en 10 dags hins vegar. Aðalþjálfari í ferðinni er Helgi Steinar Andrésson

Stjórn SSS óskar þér gleðilegs nýs árs og þakkar fyrir liðnar stundir. Fyrst viljum við þakka þeim fjölmörgu aðilum og fyrirtækjum sem að styrkt hafa félagið með beinum fjárframlögum eða í gegnum fjáraflanir. Næst þeim sjálfboðaliðum sem að lagt hafa mikið á sig til að hægt sé að halda úti skíðastarfinu. Síðast en ekki síst öllum þeim sem komið hafa í Skarðið og verslað hafa af okkur í sjoppunni.

Það gleður okkur að tilkynna að æfingagjöld verða þau sömu og í fyrra. Vetrarkort í fjallið eru innifalin í æfingagjöldunum. Greiðsla æfingagjalda skal fara fram í janúar ár hvert. Best er að greiða æfingagjöldin sem fyrst en barn getur hafið æfingar þó að ekki hafi verið gengið frá æfingagjöldum. Hægt er að koma frístundastyrk Fjallabyggðar fyrir æfingagjöldum á gjaldkera SSS; Önnu Maríu (hægt er að hafa samband í gegnum e-mail: oskar@mtr.is eða í síma: 699 8817).

Ef einhver vandamál eru með greiðslur eða ef greitt er eftir 31. janúar vinsamlegast hafið samband við gjaldkera SSS. Egill í miðasölunni er með nöfn iðkenda og það er nóg að gefa sig fram við miðasölu með gamla kortið sitt og fá áfyllingu. Ef iðkandi er alveg nýr þarf að hafa samband við gjaldkera SSS sem sér um áframhaldið.

* Einnig er systkinaafsláttur í boði.

Utan æfinga í hefðbundinni dagskrá verður einnig krafa um fyrirframákveðið magn frískíðunnar í hverjum mánuði. Það magn verður kynnt af þjálfara. Falli æfingar niður verður gripið til varaæfinga. Fastur varadagur æfinga er föstudagur en mögulegt er að grípa þurfi til tveggja æfinga um helgar, þ.e. fyrir og eftir hádegi. Þá taka krakkarnir stutta pásu í hádeginu og fá samlokur og drykki uppí fjalli. Tvöfaldar æfingar eru þó algjört varaplan og skal því enginn örvænta!

Við viljum nota tækifærið á að minna á að félagið er rekið af sjálfboðaliðum. Við erum alltaf að leita af fólki til að taka við af öðrum og standa að skemmtilegum verkefnum. Endilega sendið okkur línu t.d. á jongardar79@gmail.com.

Dagana 28. og 29. desember er alpagreinssamæfing SKÍ haldin á Dalvík.

Fyrir hönd SSS eru Amalía Þórarinsdóttir, Halldóra Helga Sindradóttir, Marlís Jóna Karlsdóttir, Andri Snær Elefsen, Hafsteinn Úlfar Karlsson, Laufey Petra Þorgeirsdóttir, Sandra Rós Bryndísardóttir og Þórný Harpa Rósinkranz Heimisdóttir mætt.

Aðstæður eru krefjandi, unnið hart færi en þó gott miðað við almennt skíðafæri á landinu.

SSS minnir á val á Íþróttamanni ársins sem haldið er 28. desember kl 20:00 í Tjarnarborg.

Velunnarar SSS settu jólaljósin við Hvanneyrarskálina og ártalið í hlíðinni upp. Er það liður í fjáröflun félagsins og þakkar SSS Fjallabyggð og þeim sem lögðu hönd á plóg við viðhald, undirbúning og uppsetningu.

Hefur þig alltaf langað til að geta skíðað en einhvern veginn ekki komist til þess? Hvernig væri að drífa sig á námskeið sniðið að þörfum byrjenda? Nú eru frábærar aðstæður til þess að læra á skíði uppí Skarði, tiltölulega lítið af fólki og ágætis færi.

Skíðafélag Siglufjarðar Skíðaborg (SSS) og Valló bjóða uppá byrjendaskíðanámskeið fyrir fullorðna í næstu viku. Kennt verður í litlum hópi mánudag (10. desember) til fimmtudags (13. desember) milli kl 16:30 og 18:00*. Farið verður yfir undirstöðuatriði og kennslan miðar að því að henni lokinni geti nemandinn rennt sér sjálfur niður brekkur, stýrt hraða og stefnu af, ásamt því að geta tekið lyftur á eigin spýtur.

Verð er einungis 20.000 kr. Innifalið er kennsla, skíðapassi fyrir 4 daga, skíðaútbúnaðarleiga fyrir 4 daga (skíði, skór og stafir). Af þessu gjaldi renna síðar 5.000 kr. uppí vetrarkort, kjósi nemendur að slíkt!

Áhugasamir hafi samband sem fyrst við Kristínu Önnu (844 8702).

*Falli kennsla niður vegna veðurs eða annara óviðráðanlegra aðstæðna verður tími fundinn í samráði við nemendur.

Skíðasvæðið í Skarðsdal er opið fyrr alpagreinar!!!

Gönguskíðabraut er komin í Skeggjabrekkudal!!!

Aðstæður fyrir alpagreinar eru góðar miðað við magn af snjó í fjallinu. Brakandi þurr snjór, -3°C og léttskýjað. Frábærar aðstæður á frábærum stað.

Á Ólafsfirði er gönguskíðabraut á golfvellinum  að  Skeggjabrekkudal.

Kristján Hauksson fór hringinn sem er um 4 km að lengd og lét vel af honum.

Skíðasvæðið er alveg að opna!!!

Við höfum það eftir áreiðanlegum heimildum að skíðasvæðið sé alveg að opna. Nú er um að gera að taka fram græjurnar og gíra sig upp í að fara á skíði með krökkunum. Að fylgja börnunum á skíðum er gríðarlega mikilvægt uppá framþróun þeirra og félagslegan þroska. Góð samverustund í frábæru umhverfi hinna ævintýralegu háu fjalla sem rísa upp af hinu harðgerða norður-Atlantshafi.