Um SSS

Fyrsta félagið, Skíðafélag Siglufjarðar, var stofnað á þessum degi, 8. febrúar árið 1920 og markaði það upphaf skíðaíþróttarinnar sem keppnisgreinar hér á staðnum. Sumarið 1936 varð klofningur innan félagsins og Skíðafélagið Siglfirðingur, síðar nefnt Skíðaborg, var stofnað. Hér störfuðu því tvö skíðafélög um árabil, eða fram til ársins 1952 þegar félögin voru sameinuð í Skíðafélag Siglufjarðar – Skíðaborg, SSS, sem starfar enn í dag og fagnar nú rúmlega aldarafmæli. Siglfirðingar sköpuðu sér snemma góðan orðstír fyrir afrek sín á skíðum og áttu þeir marga af fremstu skíðamönnum landsins á tuttugustu öld.