Fréttatilkynning SSS vegna Super Troll Ski Race 2019

Fréttatilkynning SSS vegna Super Troll Ski Race 2019

Stjórn Skíðafélag Siglufjarðar Skíðaborg (SSS) ákvað í dag að fresta alþjóðlega fjallaskíðamótinu Super Troll Ski Race fram á næsta ár vegna óviðráðanlegra aðstæðna. Ákvörðunina var ekki auðvelt að taka þar sem mótið er ein helsta fjáröflun barna- og unglingastarfs SSS og hafði verið haldin fimm ár í röð. Hins vegar eru aðstæður orðnar slíkar með snjóalög á norðanverðum Tröllaskaga  og með öryggi og mögulega ánægjuupplifun þátttakenda í huga, telur stjórn SSS ekki tækt að halda mótið þetta árið. Verndari mótsins og ráðgjafar að mótsnefnd styðja þessa ákvörðun.

Stjórn SSS þakkar styrktaraðilum, öllum þeim sem nú þegar eru skráðir á mótið, þeim sem stefndu að því að skrá sig á mótið og þeim sem að undirbúningi mótsins hafa komið, kærlega fyrir. Við biðjumst velvirðingar á óþægindunum sem þessi ákvörðun kann að hafa og munum hafa samband við þá sem nú þegar hafa greitt mótsgjald.

Árið 2020 heldur SSS uppá aldarafmæli sitt og vonumst við að sjá sem flesta ykkar það ár þegar sjötta alþjóðlega fjallaskíðamótið Super Troll Ski Race verður haldið.

Andrésar andar leikarnir 2019

Andrésar andar leikarnir fóru fram í 44. skipti í Hlíðarfjalli við Akureyri dagana 24.–27. apríl 2019. Keppt var í alpagreinum, skíðagöngu og á snjóbrettum.

Skráðir voru 38 þátttakendur frá SSS, 37 í alpagreinum og 1 á snjóbretti. Aðstæður voru nokkuð krefjandi enda heitt í veðri.

Mynd frá Skíðafélag Siglufjarðar Skíðaborg.
Hressir krakkar í skrúðgöngu

Keppendur létu það þó ekki mikið á sig fá og stóðu sig með príði. Nokkrir þátttakendur SSS komust á pall þetta árið. Úrslit má nálgast hér.

Mynd frá Skíðafélag Siglufjarðar Skíðaborg.
Melar voru byrjaðir að láta á sér kræla en brautir höfðu verið saltaðar til að gera þær stífari

Allir þátttakendur í yngsta hópnum fá þátttökuverðlaun sem krökkunum þykir mjög spennandi að hljóta.

Mynd frá Skíðafélag Siglufjarðar Skíðaborg.
Verið að gera sig klár fyrir leikjabrautina

UPPFÆRT – Af mótahaldi

SSS heldur KLM mót* og Símanúmeramót SSS um komandi helgi (5. – 7. apríl 2019).

Dagskrá helgarinnar er eftirfarandi:

KLM mótið 2019

KLM Verðlaunagripir
KLM verðlaunagripir styrkja SSS til mótahaldsins

Frestað til sunnudags Föstudagurinn 5.apríl:
16:30 Brautarskoðun svig hjá 10-15 ára (5.bekkur og eldri)
Laugardagurinn 6.apríl:
10:30 Brautarskoðun stórsvig hjá 10-15 ára (5.bekkur og eldri)
13:00 Brautarskoðun stórsvig hjá 7 ára og yngri (2.bekkur og yngri)
14:00 Brautarskoðun svig hjá 7 ára og yngri (2.bekkur og yngri)
*Athuga að 8-9 ára (3.-4.bekkur) munu keyra bæði svig og stórsvig eftir helgina vegna Goðamóts hjá stelpunum (veður mun stjórna dagsetningunni).

Símanúmeramót SSS

Image result for símanúmeramót sss
Svipmynd frá Símanúmeramóti SSS 2018

Sunnudagurinn 7.apríl:
11:00 16:30 Brautarskoðun svig hjá 10-15 ára (5.bekkur og eldri

13:00 11:00 Símanúmeramót SSS (allir geta tekið þátt)
Hvetjum foreldra til að fjölmenna í fjallið og fylgjast með ásamt því að öll hjálp við mótin er vel þegin.

Fréttir af UMÍ 2019

Unglingameistaramót Íslands var sett á Akureyri fimmtudaginn 21. mars 2019. Ögmundur Knútsson varaformaður SKI setti mótið og Ásthildur Sturludóttir bæjarstjóri Akureyrar fór með hvatningarorð fyrir þátttakendur. Næst steig Dagný Linda Kristjánsdóttir á stokk og gaf keppendum innsýn inn í líf alþjóðlegrar keppnismanneskju á skíðum. Inntak fyrirlesturs Dagnýjar er hversu mikilvægt það er að setja sér markmið og gefast ekki upp – sama þótt móti blási!

Inná milli var veðrið gott um helgina
© Þorgeir Bjarnason

Upphaflega átti fyrsti keppnisdagurinn að vera á föstudaginn, en sökum veðurs var mótahaldi þann daginn blásið af. Laugardagurinn var því langur en keppt var í tveimur greinum, svigi og stórsvigi. Þriðju greininni, sem átti að vera samhliðasvig á sunnudeg var aflýst.

Keppni lauk rúmlega 22:00
© Þorgeir Bjarnason

Hægt er að nálgast öll úrslit hér. Að vanda stóðu keppendur frá SSS sig vel.

Langur dagur framundan
© Þorgeir Bjarnason

Í stúlknaflokki 12-13 ára urðu iðkendur frá SSS í eftirfarandi sætum:

Svig19Laufey Petra Þorgeirsdóttir 
Svig24Þórný Harpa Rósinkranz Heimisdóttir 
Svig28Sigríður Birta Skarphéðinsdóttir, 
Stórsvig22Laufey Petra Þorgeirsdóttir 
Stórsvig29Sigríður Birta Skarphéðinsdóttir, 
Stórsvig30Þórný Harpa Rósinkranz Heimisdóttir 
Keppendur létu langan dag ekki á sig fá!
© Þorgeir Bjarnason

Í stúlknaflokki 14-15 ára urðu iðkendur frá SSS í eftirfarandi sætum:

Svig2Amalía Þórarinsdóttir 
Svig11Halldóra Helga Sindradóttir
Svig18Marlis Jóna Karlsdóttir
Stórsvig4Amalía Þórarinsdóttir 
Stórsvig14Halldóra Helga Sindradóttir
Stórsvig18Marlis Jóna Karlsdóttir

Í drengjaflokki 14-15 ára urðu iðkendur frá SSS í eftirfarandi sætum:

Svig9Andri Snær Elefsen
SvigDQHafsteinn Úlfar Karlsson
Stórsvig9Andri Snær Elefsen
Stórsvig10Hafsteinn Úlfar Karlsson
Eftir að annað sætið var Amalíu, var henni vel fagnað. Til hamingju Amalía!
© Þorgeir Bjarnason

Símanúmeramót SSS

Kæru bæjarbúar,

Símanúmeramót Skíðafélags Siglufjarðar Skíðaborg fer fram 6. apríl 2019 í Skarðinu. Símanúmeramótið fer þannig fram að iðkendur SSS ásamt áhugasamir keppa fyrir hönd þeirra sem skrá símanúmer sitt til þátttöku. Þátttökugjald hvers símanúmers er á frjálsra áheita grundvelli.

Á næstu dögum munu iðkendur SSS á aldrinum 6-16 ára ganga í hús og safna áheitum til styrktar félaginu.

Eru íbúar Siglufjarðar beðnir um að taka vel á móti iðkendum SSS.